ქართული “ჭკვიანი ბეჭედი“ კნიკი, რომელიც Amazon-ის რჩეული გახდა, დღეს შეიძლება ითქვას რომ ნამდვილი “ბეჭდების მბრძანებელია”. მისი საშუალებით ნებისმიერი საშვის ან ბარათის ჩანაცვლებაა შესაძლებელი, ასევე შეიძლება ანდროიდ სმარტფონის მართვა. ბეჭედში იტვირთება სხვადასხვა ინფორმაცია, ლინკები, ფაილები და საჭიროების შემთხვევაში, შეძლებთ მის სხვა სმარტფონისთვის გაზიარება-გამოყენებას. ის ხსნის ფაქტობრივად ყველა კარს და ამიტომაც ინოვაციური პროდუქტით განსაკუთრებით ავტომობილების, უმეტესად კი, ტესლას მომხმარებლები ინტერესდებიან.