მუსია ქებურია პროფესიით გრაფიკოს-დიზაინერია. პირველად სამი წლის ასაკში დახატა და მას შემდეგ ეს საქმე არ შეუწყვეტია. ის ერთ-ერთი ყველაზე გამორჩეული ქუჩის ხელოვანია, რომლის ნახატებიც არასდროს დაგავიწყდებათ. მიზნად კი კიდევ უფრო დიდ და მასშტაბურ კედლებთან შეჭიდებას ისახავს და უნდა მისი მცირე წვლილით საქართველომ მსოფლიო STREET ART-ის რუკაზე მნიშვნელოვანი ადგილი დაიკავოს.